DAGSKRÁ
Í Vinabúðum er boðið upp á fjölbreytta afþreyingu; leiki, íþróttir og skapandi verkefni. Rík áhersla er lögð á góð samskipti sem byggja á náungakærleik og virðingu. Við viljum tryggja öryggi í hvívetna þannig að upplifun barnanna sé jákvæð í alla staði.
Börnin munu kynnast nýjum vinum, taka þátt í spennandi þrautum, leikjum og jafnvel uppgötva nýja leyndardóma.
Vinabúðir hefjast mánudaginn 9. júní. Mæting er frá 14:00 til 16:00.
Foreldrum/forráðamönnum er boðið að þiggja kaffi á staðnum og hjálpa um leið sínu barni að koma sér fyrir.
Gera má ráð fyrir að bílferð í Kirkjulækjarkot taki u.þ.b. 1 klst. og 40 mínútur frá Reykjavík.
Þau börn sem skráð eru í rútu á Vinabúðir skulu vera mætt á bílastæðið við húsnæði Fíladelfíu, Hátúni 2 eigi síðar en klukkan 12:30.
Dagskrá Vinabúða lýkur um klukkan 16:00 fimmtudaginn 13. júní. Óskað er eftir því að foreldrar/forráðamenn mæti rétt fyrir þann tíma.
LEIKIR OG ÞRAUTIR
Skemmtun og heilaleikfimi
Eins og annað sem boðið er upp á í Vinabúðum eru leikir og þrautir settar upp til að vekja gleði en einnig til að hvetja börnin til að stíga út úr þægindarammanum, spreyta sig á nýjum verkefnum og taka smá áhættu.
ÚTIVIST OG ÍÞRÓTTIR
Upplifun og ævintýri
Umhverfi Vinabúða er afskaplega fallegt og býður upp á endalaus ævintýri. Við erum mikið úti að leika okkur og njóta náttúrunnar. Það ætti að vera eitthvað við allra hæfi í dagskrá Vinabúða.
Fræðsla
Að vita meira og meira
Hluti af starfi Vinabúða er gagnleg fræðsla sem tengist kristinni trú og lífsleikni.
